O concello do Porriño lanzou a licitación para construír dúas novas escolas infantís

O concello do Porriño lanzou a licitación para construír dúas novas escolas infantís nas parroquias de Budiño e Pontellas. En Budiño, o novo centro situarase preto do Polígono da Granxa e contará con dúas naves, patios axardinados e unha barreira verde para protexer o espazo de xogos. En Pontellas, a antiga escola unitaria será rehabilitada e ampliada con cinco aulas, unha sala multiusos e patios axardinados, mantendo o estilo orixinal do edificio.